"Хоффенхайм" ҳужумчиси ўз исмини Бундеслига тарихига ёздириб қўйди

"Хоффенхайм" клуби ҳужумчиси Исхак Бельфодиль кеча Бундеслиганинг 28-туридан ўрин олган "Аугсбург"га қарши ўйинда хет-трик қайд этди.

Gracenote Live нашри тарқатган хабарга кўра 27 ёшли форвард шу тариқа Германия Бундеслигасида хет-трик қайд этган илк жазоирлик футболчига айланди.

Маълумот учун, Бельфодиль жорий мавсум "Хоффенхайм" сафида жами 29та ўйинда майдонга тушди ва ўз ҳисобига 14та гол ҳамда 5та ассист ёздириб қўйишга эришди.