Хави: Бу футболчи Иньестага ўхшайди

"Барселона" бош мураббийи Хави "Атлетик"га (4:0) қарши ўйиндан кейин ўз футболчиларидан мамнун эканини айтди. 

Гарчи шу куни Педри гол ёки ассистентликни амалга оширмаган бўлсада, ўйиннинг асосий юлдузи бўлди. Хави эса у ҳақда шундай фикр билдирди:

- У ўйинни қандай тушуниш, чизиқлар орасида қандай ҳаракат қилиш ва майдонда қандай жойлашиш борасида менга Иньестани эслатади. Соф истеъдод нуқтаи назаридан Педри шунчаки дунёдаги энг зўри. У ажойиб футболчи, мен бунақасини камдан-кам кўрганман.