Халк Хоган вафоти бўйича тергов давом этмоқда!

"Daily Mail" нашри хабар беришича, америкалик афсонавий рестлер Халк Хоганнинг ўлими юзасидан полиция терговни давом эттирмоқда.

Аввалроқ, спортчининг вафотига юрак мушагига қон оқимининг тўсатдан бузилиши сабаб бўлгани маълум қилинган эди. Шу билан бирга, ўлимга шифокор хатоси сабаб бўлиши мумкинлиги ҳам тахмин қилинмоқда. Хоганнинг хотини бу борада даъво аризаси берган. Мазкур ишни кўриб чиқиш ва расмий текширувлар икки йилгача чўзилиши мумкин.

"Биринчидан, тиббий маълумотлар олиниши керак. Эксперт тиббий ёрдам кўрсатиш стандартларига риоя қилмаслик бўлган ёки йўқлигини ҳам аниқлаши керак. Шунингдек, ушбу экспертнинг қасамёд гувоҳномаси тақдим этилиши, кейин эса судга мурожаат қилиш нияти ҳақида хабар берилиши керак. Айбланувчи ҳам худди шундай қилиши лозим: қонунда белгиланганидек, 90 кун ичида ўз экспертларини ёллаши, ҳужжатларни кўриб чиқиши ва ўз текширувини ўтказиши шарт. Шундан сўнг улар низони ҳал қилишлари мумкин. Айтмоқчиманки, даъволарнинг 95-99 фоизи судгача бўлган босқичда рад этилади", - дея таъкидлади тиббий ҳуқуқбузарликлар бўйича адвокат Жо Осборн.

Эслатиб ўтамиз, Халк Хоган 24 июль куни 71 ёшида вафот этди. У 1980–1990 йилларда профессионал рестлингнинг энг машҳур юлдузларидан бири бўлган, WWF (ҳозирги WWЕ) аренасида йирик муваффақиятларга эришган ва кино оламида ҳам фаолият юритган.