Тўрабек Хабибуллаев икки карра Олимпияда чемпионини мусобақадан чиқариб юборди!

Хабарингиз бор, айни кунларда Бирлашган Араб Амирликларининг Дубай шаҳрида эркаклар ўртасида Жаҳон чемпионати бўлиб ўтмоқда. Мусобақанинг чорак финалида 11 нафар боксчимиз рингга кўтарилиши режалаштирилган эди.

-92 кг вазнда ҳамюртимиз Тўрабек Хабибуллаев ва кубалик икки карра Олимпияда чемпиони Хулио Сезар Ла Круз ўртасидаги жанг якунланди.

Шиддатли ва муросасиз кечган баҳсда Хабибуллаев 4:1 ҳисобида ғалаба қозониб, ярим финалга йўл олди!