Топурия: "Мен ҳаммангизга адашганингизни исботлайман"

UFC нинг ярим енгил вазн(65,8 кг) тоифасидаги жангчиси Илья Топурия(14-0) амалдаги чемпиони австралиялик Александр Волкановски(25-3)ни мағлуб этишига яна бир бор ишонч билдирди.

"Мен бу жангда ғалаба қозонаман, бу аниқ. Бу менинг тақдирим. Мен жангчи бўлиб туғилганман, UFC чемпиони бўламан. Мен ўз даражамни, рақибларимни қандай таҳлил қилишни биламан. Мен ҳаммангизга адашганингизни исботлайман", – деди Топурия ММА Hour шоусида.

Эслатиб ўтамиз, ушбу жангчиларнинг учрашуви 17 февраль куни АҚШ нинг Анахайм шаҳрида ўтказиладиган "UFC 298" турнирининг асосий баҳси бўлади.