Тимур Кападзе янгилар билан курашади

Хабарингиз бор, Ўзбекистон миллий терма жамоаси Жаҳон чемпионати 2026 саралаши доирасидаги навбатдаги ўйинларини БАА (5 июнь) ва Қатар (10 июнь)га қарши ўтказади. 

БАА термаси яқинда руминиялик 55 ёшли Космин Олариуни бош мураббий этиб тайинланган эди. Бугун эса Қатар янги бош мураббийни таништирди. Испания терма жамоаси ва "Реал"нинг собиқ бош мураббийи Хулен Лопетеги Қатарни бошқариши эълон қилинди. 

Шу тариқа, Тимур Кападзе икки янги бош мураббийларга қарши тўқнаш келади. Агар "оқ бўрилар" БАА билан сафарда энг камида дурангга имзо чекса, Жаҳон чемпионатига йўлланмани нақд қилади. Агар мағлуб бўлса, Қатарни мағлуб этишимиз шарт бўлади.