Тиаго, ван Дейк ва Матип ЧЛнинг илк турини ўтказиб юборади

"Ливерпуль" футболчилари Жоэль Матип ва Тиаго Алькантара Чемпионлар лигасининг биринчи туридан ўрин олган "Аякс"га қарши баҳсни катта эҳтимол билан ўтказиб юборади.

The Times журналисти Пол Жойснинг маълум қилишича, иккала футболчи бугунги машғулотларда иштирок этмаган ва эртанги учрашувда майдонга тушмайди.

"Мерсисайдликлар"нинг мураббийлар штаби тиғиз тақвим туфайли футболчилар соғлиғига алоҳида эътибор қаратишмоқда.

АПЛ доирасида "Эвертон"га (2:2) қарши кечган беллашувда Виржил ван Дейк оғир жароҳат олганди. Жамоада биттагина соғлом марказий ҳимоячи Жо Гомес қолди.

ЧЛнинг илк турида "Ливерпуль" "Аякс"га қарши баҳслашади ва ушбу қарама-қаршилик 21 октябрь куни Тошкент вақти билан соат 00:00 да старт олади.