Таэквондо. Жаҳон чемпионатида яна иккита медаль нақд қилинди

Болгария пойтахти София шаҳрида таэквондо бўйича кадетлар ўртасида Жаҳон чемпионати ўтказилмоқда.

Қувонарлиси, навбатдаги кунда вакилларимиз яна медаллар жамғаришда давом этди. Ярим финалгача етиб борган қизларимиз Мубина Бобосаидова (-44 кг) ҳамда Оминахон Камалова (-55 кг) бронза медалига эга чиқди. Шу тариқа, жамоамиз ҳисобидаги медаллар 1 та олтин, 1 та кумуш ва 8 та бронзани ташкил этмоқда.

Мусобақа бугун якунига етади. Воқеалар ривожини сайтимиз орқали кузатиб боринг!