Суперлига. Драматик кечган баҳс жанговар дуранг билан якунланди

Суперлиганинг 3-турида Миржалол Қосимов бошчилигидаги ОКМК ўз майдонида "Сўғдиёна"ни қабул қилиб, 2:2 ҳисобидаги дурангга имзо чекди.

Дастлабки бўлимга қўшиб берилган дақиқаларнинг биринчиси ўтиб бораётганда Люпчо Дориев 14-ҳудуддан зарба йўллаб, олмалиқликлар дарвозасини ишғол қилди. ОКМК иккинчи бўлим аввалида мувозанатни тиклади. Чап қанотдан узатилган тўпни Сиаваш Ҳақназарий дарвозага тўғрилаб юборди.

74-дақиқага келиб, бурчакдан узатилган тўпни Аброр Каримов голга айлантириб, жамоасини ҳисобда олдинга олиб чиқди. Бироқ, ўйиннинг сўнгги дақиқаларида Отабек Жўрақўзиев ҳисобни тенглаштиришга муваффақ бўлди ва жамоасига 1 очкони тақдим этди.