Суперлига. "Андижон" ўз тарихида илк бор "Бунёдкор"ни мағлуб этди

Ўзбекистон Суперлигаси 2-туридан ўрин олган "Андижон" ва "Бунёдкор" жамоалари ўртасидаги ўйин якунланди. Мазкур беллашувда мезбонлар йирик 5:1 ҳисобида ғалаба қозонди.

Шу тариқа, андижонликлар "Бунёдкор"га қарши ўйинларда биринчи марта зафар қучди. Бунгача ўтказилган 26 беллашувда "қалдирғочлар" 20 та ғалабани қўлга киритган. Яна 6 баҳс эса дуранг билан якун топган. Тўплар нисбати эса 9 га 52 ни ташкил қиларди. 

Маълумот ўрнида, "Андижон" айни пайт 4 очко билан тўплар фарқининг яхшилигига кўра жадвалда пешқадамлик қилмоқда.