SPORTS.uz Белград-2021: Бугун Ҳасанбой Дўсматов ва яна 2 нафар боксчимиз жаҳон чемпионатидаги юришини бошлайди

Бугундан Сербиянинг Белград шаҳрида бўлиб ўтаётган бокс бўйича эркаклар ўртасида жаҳон чемпионатининг иккинчи кунги жанглари старт олади.

26 октябрь санасида уч нафар ҳамюртимизнинг рингга кўтарилишлари белгиланган. Дастлаб Одилжон Аслонов (-80 кг) танзаниялик Юсуф Чангалавега қарши кундузги жангда иштирок этади. Бу Тошкент вақти билан 16:00дан кейинги сеансда (тахминан 19:20да) бошланади.

Кечки жангда эса Ҳасанбой Дўсматов (-51 кг) қозоғистонлик Сакен Бибосинов билан беллашади. Ушбу жанг 21:00дан кейин бошланадиган сеансга (тахминан 21:00) тўғри келади.

Саиджамшид Жафаров (-75 кг) эса словакиялик Фернезага қарши рингга чиқади. Жафаров иштирокидаги жанг ҳам Тошкент вақти билан 21:00дан кейин бошланадиган сеансда (тахминан 23:10) бошланади.

Эслатиб ўтамиз, терма жамоамиз таркибида биринчи бўлиб рингга Асадхўжа Мўйдинхўжаев (-67 кг) кўтарилди ва у ирландиялик Брендан Маккивини таслим этди.