“Специя” фанатлари Шомуродов голига қандай муносабат билдирди?

Элдор Шомуродов жорий мавсумдаги биринчи голини “Специя” – “Салернитана” учрашувида мексикалик дарвозабон Гильермо Очоа дарвозасига киритди.

Легионеримизга янги жамоаси  - “Специя”даги голлари ҳисобини очиш учун 420-дақиқа керак бўлди. Бу аввалги жамоаларидагига қараганда бироз кўп.

Элдор Шомуродов 2020 йилнинг октябрь ойида Россия Премьер-лигаси вакили “Ростов”дан Италиянинг энг қадимги жамоаси – “Женоа”га кўчиб ўтганидан кейин кучли бешлик чемпионатларидаги илк тўпини киритиш учун 250 дақиқа сарфлаган эди.

Ўзбек ҳужумчиси “Женоа”даги биринчи голини “Парма” дарвозасига киритган эди.

Бир мавсумда саккизта гол урганидани кейин “Рома”дан таклиф олган ҳужумчимиз пойтахт клубида ўзини кўрсатиши учун жуда қисқа муддат керак бўлди. Римликлар сафида Конференциялар лигаси саралаш турнирининг дастлабки учрашувида Элдор Туркияда “Трабзонспор” посбонини ожиз қолдирган ва бунинг учун ҳамюртимизга 82 дақиқа кифоя қилган холос.

Sports.uz портали мухлислари илтимосини инобатга олиб, “Специя” ишқибозларининг Элдор Шомуродов голига муносабатларини келтиришга қарор қилдик.

Marco Mazzi:

Элдор энди навбатдаги голга тайёргарлик кўр!

Elia Luti:

“Салернитана”га қарши учрашувда Элдорнинг голи бизга қимматли очко келтирди. Энди Флоренцияга борамиз. Реванш олиш керак. Қани, олға!

Massimiliano Logli:

“Специя”га лойиқ ўйин!

Peri Andrea:

Олға, Элдор!

Daniele Guidelli:

Энди шанба куни “Фиорентина”га ҳам гол уришинг керак, Элдор!

Алекс Александров:

Элдор, зўр иш қилдинг!

Marco Vimercati:

Бу гол Элдорнинг йўлларини очиб юборади. Энди уни тўхтатиш қийин бўлади!

Marco Morini:

Ўзбеклар ўз сўзини айтди.

Marco Morini:

Ўзбекистондан ким бор?

Emilio Castellanotto:

Элдор қуёш ботгач, бақувват овқат ейишга лойиқ ўйин кўрсатди.

Marina Borgato:

Шунчаки ажойиб!

Александр Овчинников:

Элдор ўзи танимаган ҳимочидан тўпни зўр қабул қилиб олди

Luciano Sannino:

Ниҳоят, Шомуродов гол урди!

“Специя” футболчилари навбатдаги учрашувни 8 апрель куни ўтказади. Шу куни Элдор Шомуродов жамоаси Флоренцияда “Фиорентина” меҳмони бўлади. Ўйин Тошкент вақти билан 17:30 да бошланади.

Шомуродовдан гол “еган” машҳур дарвозабон ўзига янги жамоа қидиради!