Слот: "Энфилд"да бутунлай бошқача ўйин кўрсатамиз"

"Ливерпуль" бош мураббийи Арне Слот Чемпионлар лигаси чорак финалида ПСЖга қарши илк учрашувдаги 0:2 ҳисобидаги мағлубиятдан кейин фикрлари билан ўртоқлашди.

"Уларнинг стадионида қайсидир жамоа ўйинни шундай қурганини кўрганмисизки, ПСЖ тўп назорати ва яратилган вазиятларда устунлик қила олмаган бўлсин?

Мен жуда кўп ўйинларни кўрдим. Деярли барчасида худди шу манзара кузатилган, бугунги баҳсда ҳам шунга яқин ҳолатни кўрдингиз. Улар ўз майдонида деярли ҳар бир рақибни ўйин жиҳатидан енгиб келган.

Биз "Энфилд"да бошқача манзара кўрсатиш учун янги ўйин режасини тайёрлашга ҳаракат қиламиз. Уй майдонида мухлислар ёрдами жуда катта аҳамиятга эга.

Агар сен агрессив ва босимли футбол ўйнамоқчи бўлсанг, шовқинли муҳит жамоага қўшимча устунлик беради. Айрим пайтларда айнан шу омил ҳал қилувчи аҳамият касб этади.

Албатта, биз бу ўйиндаги каби тактика билан майдонга тушмаймиз.

Кўпчилик эътиборни тактикага қаратиши мумкин, лекин мен учун бу баҳсда асосий жиҳат айнан шу эмас. Бу стадионда турли тактикалар синаб кўрилган, аммо натижа кўпинча бир хил бўлган — ПСЖ рақибларини жиддий босим остида қолдирган", — деди Арне Слот.