“Сити” юлдузи учун курашда Европанинг машҳур клуби пешқадам
- 15-январ, 07:18
- Zohir Toshxo’jayev
- 0
- Футбол
“Манчестер Сити” сардори Бернарду Силва бош мураббий Хосеп Гвардиоланинг энг ёқтирган футболчиси ҳисобланади. Шунга қарамай, португалиялик юлдуз мавсум охирида жамоани тарк этиши куииляпти.
Силванинг манчестерликлар билан тузган меҳнат шартномаси 30 июнь куни якунланади. Ҳали томонлар янги битим бўйича музокарага киришмаган. Бу вазият бир қатор клубларнинг Бернарду Силвага бўлган қизиқишини кучайтирмоқда.
Fichajes нашри маълумотларига кўра, 31 ёшли футболчи учун курашда айни пайтда Италиянинг машҳур клуби “Ювентус” асосий даъвогарга айланди.
Силвага Туркия чемпиони “Галатасарой” ва Саудия Арабистонининг бир неча клубоари ҳам кўз тккан.
Бернарду Силва 2017 йилдан буён “Манчестер Сити” сафида ўйнаб келмоқда. Жорий мавсумда у Хосеп Гвардиола жамоаси учун 28 та ўйин ўтказиб, 1 та гол уриб, 2 та голли узатма берди.