Симеоне: "Биз жасорат кўрсатдик, лекин ҳали ҳаммаси олдинда"

"Атлетико" бош мураббийи Диего Симеоне "Барселона" устидан қозонилган ғалабадан сўнг ўз фикрлари билан ўртоқлашди.

"Биз бу ерда ҳали ғалаба қозонмаган эдик, бу жуда қийин майдон. Рақиб эҳтимол Европадаги энг кучли жамоалардан бири.

Жамоавий ўйин орқали керакли пайтда зарба бера олдик. Иккинчи гол бизга ишонч берди, афсуски устунликни янада ошира олмадик.

Футболнинг гўзаллиги ҳам шунда — асосийси натижа. Бугун биз жуда интизомли ўйнадик. Бошқа ўйинларда бу даражада эмас эдик.

Рақибнинг юқори прессинги туфайли қийин бўлди. Улар бизга вақт қолдирмади. Аммо биз жасорат кўрсатдик ва имкониятлардан фойдаландик.

Жавоб ўйинида улар бизни қаттиқ синаб кўради. Биз ҳам тайёрмиз. Олдимизда яна оғир баҳс бор, — деди Симеоне