Шомуродов янги мавсумга тайёргарликни бошлади. Ҳамюртимиз "Женоа"да қолади

Бир неча ой аввал ўтган мавсум А Сериядаги охирги ўйинини ўтказган "Женоа" мана яна машғулотларга қайтди.

Генуяликлар ўз базасида янги мавсум тараддудини бошлади. Бош мураббий Давиде Баллардини лавозимида қоладиган бўлди. У жамоани янги мавсумга тайёрламоқда.

Шунингдек, ҳамюртимиз Элдор Шомуродов ҳам камида ярим мавсум "Женоа" шарафини ҳимоя қилади. Ҳар ҳолда Генуя томондаги манбаларнинг билдиришича, раҳбарият шундай қарорга келган. Шомуродов 6 ой "Женоа" сафида тўп тепса унинг трансфери ошиши мумкин, деган қарорга келинган.

Айни пайтда терма жамоадаги ўйинларини якунлаган ва фақат клуб сафида ҳаракат қиладиган футболчилар Баллардини қўл остида шуғулланишни бошлади.