Сардор Рашидов "Пахтакор" машғулотларида иштирок этмоқда! (фото)

Суперлига амалдаги чемпиони "Пахтакор" янги мавсумга тайёргарликни бошлади.

Клуб асосий таркиби бугун ўқув-йиғин машғулотларига киришди. Қибрайдаги клуб базасида ўтган дастлабки машғулотда футболчилар енгил югуриш ва тўп билан ишлаш машқларини бажаришди. Январь ойида тайёргарлик жараёни Қибрайда олиб борилади.

Мазкур йиғинда "шерлар" собиқ аъзоси Сардор Рашидов ҳам иштирок этмоқда. Тажрибали футболчи ўйин амалиётини йўқотиб қўймаслик учун "Пахтакор" таркибида шуғулланяпти. Шартнома имзолаш ҳақида умуман гап-сўз йўқ! Унинг ўзи бу маълумотни SPORTS.uz журналистига тасдиқлади.