Роналду ҳаётидаги энг унутилмас лаҳзани эслади
- 13-январ 2023, 21:07
- Oybek Yo’ldoshev
- 0
- Футбол
"Ал-Насср" клуби ҳужумчиси Криштиану Роналду "LiveScore" каналига берган интервьюсида фаолиятидаги энг унутилмас лаҳзани айтди.
Футболчининг айтишича, 2014 йилда "Реал" билан Чемпионлар лигасидаги ғалаба унинг учун алоҳида аҳамиятга эга бўлган, чунки бу клуб тарихидаги 10-ғалабадир.
"Биз босим кучайиб бораётганини ҳис қилдик. Ҳар бир мухлис буни хоҳларди. Бу мен доим ёдимда қоладиган лаҳза, мен ўз клубим билан энг нуфузли турнирда ғалаба қозонганман", - деди португалиялик ҳужумчи.
Роналду 2009 йилдан 2018 йилгача "қироллик клуби"да ўйнаган. Жамоа таркибида у 4 марта Чемпионлар лигаси ва икки марта Испания чемпиони бўлган.
2022 йилнинг 30 декабрида Роналду Саудия Арабистонининг "Ал-Насср" жамоаси билан 2025 йилнинг ёзига қадар мўлжалланган шартнома имзолади.