"Рома"нинг собиқ бош мураббийи А Серия клубини бошқаради!

"Женоа" клуби жамоанинг янги бош мураббийи этиб Даниэле де Росси тайинланганини эълон қилди. Аввалроқ жамоа Патрик Виейрани ишдан бўшатган эди, унинг кетишидан кейин жамоани вақтинча Доменико Кришито бошқариб турган.

Де Россининг мураббийлик фаолиятидаги сўнгги жамоаси "Рома" бўлиб, у бу клубни 2024 йил январь ойидан сентябргача бошқарган.

Янги бош мураббий қўл остидаги биринчи ўйинда "Женоа" 9 ноябрь куни "Фиорентина"га қарши майдонга тушади. 10 турдан кейин жамоа А Серия жадвалида 18-ўринда бориб, 6 очко тўплаган.