"Рома" бош мураббийи иккинчи марта "қовун туширди"

Италия Кубоги 1/8 финалида "Рома" "Специя" (2:4) билан баҳсда мағлубиятга учради.

Football Italia нашри маълумотига кўра, римликлар ушбу ўйинда ғалаба қозонган тақдирда ҳам кейинги босқич йўлланмасидан қўлга кирита олмаслиги мумкин эди.

Гап шундаки, "бўрилар" мураббийлар штаби ўйин давомида олтита ўзгаришни амалга оширган. Турнир регламентига кўра, Италия Кубоги баҳсларида бешта ўзгаришга рухсат берилган.

Эслатиб ўтамиз, А Серия 1-турида "Верона"га қарши баҳсда "Рома" бош мураббийи қайдномага киритилмаган футболчини майдонга туширган эди. Якунда эса клубга техник мағлубият ёзилган.