“Реал” юлдуз ҳужумчисини Англияга сотадиган бўлди

ПСЖни тарк этган Килиан Мбаппенинг “Реал”га ўтиши ойдинлашиб қолди. Мадридликлар франциялик ҳужумчининг келишига тайёргарлик кўрмоқда.

“Қироллик клуби” ҳужум чизиғида ўзгартириш қилишига тўғри келади. Todofichajes нашри “Реал” бразилиялик ҳужумчи Родригони ёзда сотиб юбориши мумкинлигини ёзмоқда.

23 ёшли футболчига Англиянинг гранд клублари оғиз солмоқда. Хусусан, “Арсенал”, “Манчестер Юнайтед” ва “Ливерпуль” Родригога иш таклиф қилишга тайёр.

Трансфер бўйича экпертларнинг таъкидлашича, истеъдодли ўйинчини ўз сафига қўшиб олмоқчи бўлаётган клублар 100 миллион евро миқдорида харажат қилишига тўғри келади.

Родригонинг пойтахт клуби билан шартномаси 2028 йилнинг ярмигача тузилган. Ҳужумчи чемпионлик мавсумида Ла Лигада 33 та ўйинжа қатнашиб, ўнта гол ва бешта ассист муаллифи бўлди.