"Реал" яна Испания ҳакамларидан норози

Бу йил ёзда Испания ҳакамлар ташкилоти ўз тузилмасини ўзгартириб, рефериларнинг ишининг сифатини оширишга ҳаракат қилди. Бироқ, "Реал" сўнги учрашувда жамоанинг бир нечта бекор қилинган голларидан кейин ҳам ҳакамликдан норози.

Шу билан бирга, Мадрид клубидагиларнинг фикрича, ВАР билан боғлиқ баҳсли қарорлардан рақиблар "Барселона" ва "Атлетико" фойда кўрган. Бу ҳақда ESPN клубдаги манбасига таяниб хабар бермоқда.

Шу билан бирга, манба вақт ўтиши билан бу масалада кескинлик пасайишига умид билдирди.

Қайд этилишича, Европанинг топ-5 лигаларида "Реал" ўтган мавсум бошидан бери ВАРга мурожаат қилганидан кейин бекор қилинган голлар сони бўйича биринчи ўринни эгаллаб турибди.