Қозоғистон суперкубоги. "Ордабаси" "Астана"га мағлуб бўлди. Абдиҳолиқов ва Умаров эса...

Қозоғистон суперкубоги доирасида пойтахтнинг "Астана" жамоаси Чимкентнинг "Ордабаси" клубига қарши саф тортди. Унда астаналиклар 2:1 ҳисобида зафар қучди ва мамлакат суперкубоги соҳибига айланди. 

"Астана" таркибида голларга Аманович ва Дарбо (пенальти) муаллифлик қилди. Чимкентликларнинг голини Тунгишбаев киритди.

"Ордабаси" сафида ҳаракат қиладиган легионерларимиз Шаҳбоз Умаров ва Бобир Абдиҳолиқов баҳсни асосий таркибда бошлади. Иккала ҳамюртимиз ҳам ўйиннинг 58-дақиқасида захирага олинди.