Қанча керак? Ямални “Барса”дан олиб кетишади...
- 18-март 2025, 13:33
- Zohir Toshxo’jayev
- 0
- Футбол
Таниқли футбол агенти Жорже Мендеш “Барселона” президенти Жоан Лапортани ўз мижози Ламин Ямални Саудия Арабистони клублари олиб кетмоқчи эканидан огоҳлантирди.
El Nacional нашрининг ёзишича, Саудия Арабистонининг бир неча клуби 17 ёшли ҳужумкор футболчи учун кўпмиллионли шартномалар беришга тайёр экан.
Бу вазиятда жуда кўп нарса Ламин Ямалнинг танловига боғлиқ бўлади. унинг амалдаги шартномаси 2026 йилнинг ёзигача давом этиши белгиланган.
“Барселона” ўз футболчиси 18 ёшга тўлиши билан унга янги профессионал шартнома беришни режалаштирмоқда.
Ламин Ямалнинг ўзи клубда қолиши ҳақида гапирган эди. “Барселона”нинг молиявий аҳволи ва пулнинг қудратини инобатга олиб, вазият ўзгариши мумкинлиги айтилмоқда.
Transfermarkt портали томонидан 180 миллион еврога баҳоланаётган Ламин Ямаль жорий мавсумда барча турнирларда 38 та учрашув ўтказиб, ўз ҳисобига 13 та гол ва 17 та ассист ёздириб қўйди.