ПСЖ – "Ливерпуль" ва "Барселона" - "Атлетико" баҳсига ҳакамлар тайинланди
- 6-апрел, 14:52
- Bilolbek Imomov
- 0
- Футбол
Чемпионлар лигаси чорак финали доирасидаги ПСЖ ва "Ливерпуль" ўртасидаги биринчи учрашувни испаниялик ҳакам Хосе Мария Санчес Мартинес бошқариб боради.
Ушбу баҳс чоршанба куни Париждаги "Парк де Пренс" стадионида бўлиб ўтади.
Санчес Мартинесга ён чизиқларда Рауль Кабаньеро ва Иньиго Прието ёрдам беради. Захира ҳаками сифатида Хуан Мартинес Мунуэра ишлайди. ВАР тизими учун Карлос дель Серро Гранде, АВАР учун эса Гильермо Куадра Фернандес масъул бўлади.
Яна бир чорак финал жуфтлиги — "Барселона" ва "Атлетико" ўртасидаги баҳсга румыниялик Иштван Ковач тайинланди.
Унинг ёрдамчилари Михай Марича ва Ференц Туньоги бўлса, захира ҳаками сифатида Саболч Ковач фаолият олиб боради. ВАРда немис мутахассиси Кристиан Дингерт, АВАРда эса португалиялик Тиагу Мартинш ишлайди.