ПСЖ ҳужумчиси "Ювентус"га ўтмоқда
- 15-январ 2025, 16:39
- Suhrob Xolbekov
- 0
- Футбол
"Ювентус" ПСЖ ҳужумчиси Рандаль Коло-Муанини ўз сафига қўшиб олишга яқин турибди. Томонлар келишувга эришган, футболчи мавсумнинг қолган қисмини Туринда ўтказади.
Маълум бўлишича, шартномада франциялик страйкерни сотиб олиш банди йўқ. Шу билан бирга, унинг маошини тўлиқ Париж жамоаси тўлаб беради. Аммо ижара учун "Ювентус" 5 миллион евро атрофидаги суммани тўлайди.
Ушбу мавсум 14 та ўйинда майдонга тушиб, 2 та гол урган Коло-Муани учун 2023 йилда "Айнтрахт"дан 95 миллион евро тўланган. Аммо ушбу трансфери омадсиз бўлди.
Ўз вақтида Рандаль Бундеслиганинг энг кучли страйкерларидан бири бўлган. У "Ювентус"да ҳам ўз даражасини тиклашга ҳаракат қилиб кўради. Айни пайтда француз Италия томон йўлга отланмоқда, тез орада тиббий кўрикдан ўтади ва шундан кейин трансфер расман эълон қилинади.