Педри: "Бизда Бускетснинг ўрнини тўлдира оладиган футболчи бор"

“Барселона” футболчиси Педри жамоадоши Серхио Бускетс ҳақида ўз фикрлари билан ўртоқлашди.

“Бускетс клубнинг асосий футболчиси ва мен у билан бирга ўйнаганимдан хурсандман. Баъзида одамлар унинг майдондаги меҳнатини сезмайди. Бу бизга жуда ҳам сезилади. Умид қиламанки, у “Барса”да қолади”, - деди 19 ёшли ярим ҳимоячи.

“Бизда унинг ўрнини тўлдириши мумкин бўлган футболчи бу Френки де Йонг”, - дея қўшимча қилди Педри.

Серхио Бускетснинг амалдаги шартномаси 2023 йилнинг ёзида тугайди. Унинг кейинги манзили МЛС бўлиши кутилмоқда.