"Париж-2024". Ўзбекистон Доминикан Республикасига қарши баҳсда қайси рангли формада ҳаракат қилади?

Ўзбекистон эртага кўк либосда ўйнайди

Ўзбекистон У23 терма жамоаси эртага Доминикан Республикасига қарши ўйин ўтказади. Мазкур учрашувда футболчиларимиз кўк либосда ҳаракатланади. Учрашувни эса суданлик бош ҳакам Исмоил Маҳмуд бошқариб боради. Унга қанотларда Элвис Ноупу (Камерун) ва Аҳмад Либан (Жибути) ёрдам беради. 4-расмий ҳакам вазифаси Ким Ёужунгга (Корея Республикаси) топширилган. 

Эслатиб ўтамиз, Доминикан — Ўзбекистон ўртасидаги ўйин 30 июль соат 18:00 да “Парк де Пренс” стадионида бўлиб ўтади.