Пандемия сабаб кенжа Симеоне А Серия тарихига ўз исмини ёздириб қўйди

Италия чемпионати 29-тури доирасида "Кальяри" "Болонья" билан 1:1 ҳисобидаги дурангга имзо чекди.

Кальяриликлар сафидаги ягона голга ҳужумчи Жованни Симеоне муаллифлик қилди. Бу голдан сўнг аргентиналик форвард Италия чемпионатида ҳар ойда гол урган биринчи футболчига айланди.

Жорий мавсумда Симеоне А Серияда 28 та ўйинда майдонга тушиб, 10 гол ва 4 та ассист муаллифи бўлди.