Ўзбекистон МТЖ иштирок этадиган "CAFA Nations Cup-2023" турнирини "Спорт" телеканали намойиш этади

10 июндан 20 июнга қадар Ўзбекистон ва Қирғиз Республикаси яшил майдонларида бўлиб ўтадиган "CAFA Nations Cup-2023" турнири қайси телеканал орқали ЖОНЛИ ЭФИРда намойиш этилиши мухлисларни қизиқтирган бўлиши табиий. Бу саволларга "Спорт" телеканали телеграм саҳифаси орқали якуний нуқтани қўйди.

"Осиё кубогидан аввал Ўзбекистон терма жамоаси учун кичик имтиҳонга айланувчи "CAFA Nations Cup-2023" турнирини "Спорт" телеканали жонли эфирда намойиш этади", - дейилади расмий хабарда.

Эслатиб ўтамиз, мусобақада Ўзбекистон МТЖ "A" гуруҳидан ўрин олган. Унда вакилларимизга Тожикистон, Туркманистон ва Уммон жамоалари рақиблик қилади.