Ўзбекистон - Ироқ: Пенальтилар сериясини онлайн кузатиб боринг! (матнли трансляция)

U23 Осиё Кубоги чорак финали доирасидаги Ўзбекистон - Ироқ учрашувига старт берилди. Қуйида мазкур қарама-қаршиликдан матнли трансляцияни томоша қилишингиз мумкин.

{game}3894021{/game}

3:2

ГОЛ! Алишер Одилов! Ўнг томонга аниқ зарба!

НАЗАРОВ! Владимирдан СЕЙВ! Чап томонга берилган зарбани посбонимиз қайтарди! Яшавор, Володя!

ГОЛ! Аббос Файзуллаев ўта аниқлик билан ижро этди!

ЙЎҚ! Рамазон Жума тепган тўп устундан қайтди!

Сейв! Муҳаммадқодир Ҳамралиевнинг уринишини дарвозабон қайтарди.

ГОЛ! Ҳасан Раев ҳам чап бурчакка зарба берди.

ГОЛ! Жўрақўзиев! У ҳам чап бурчак тўрини титратиб юборди!

ГОЛ! Мерчас чап бурчакни аниқ нишонга олди.

Биринчи зарба рақибларда! Тўп ёнида Мерчас Солиҳ.

Ҳисоб-китобларга кўра, баҳс 140 дақиқадан кўпроқ давом этди.

120+2. Учрашув вақти якунланди. Навбат пенальтилар сериясига!

120+1. Тўп вакилларимизда, сўнгги ҳужум бизда бўлади!

120+1. Файзуллаевдан хавфли зарба. Тўп дарвоза ёнидан ўтиб кетди.

120. Иккинчи экстра таймга ҳам 1 дақиқа қўшилди.

118. Назаров дарвозаси томон олис масофадан берилган зарба ноаниқ кетди.

118. Ўйин темпи пасайди. Футболчилар руҳан ва жисмонан пенальтилар сериясига тайёргарлик кўрмоқда!

117. Рақиб футболчиси жарима майдонимиз ичида йиқилиб тушди. Ҳакам ўйинни давом эттиришга рухсат берди.

115. Сўнгги дақиқаларни рақиб нисбатан фаолроқ ўтказмоқда. Бўшашиш керак эмас, йигитлар!

113. Ҳожимат Эркинов ҳамда Ҳусаин Норчаев захирага олинди. Улар ўрнига Отабек Жўрақўзиев ва Алишер Одилов майдонга тушди.

112. Аббос Файзуллаев қанотдан ёриб кирди ва тўпни жарима майдони марказига оширди. Афсус, у ерда бизникилардан ҳеч ким йўқ.

110. Видеотакрорни ўз кўзи билан кўрган рефери вазиятни қизилга тортмайди деб топди.

109. Ҳакам ВАРга мурожаат қилди. Жияновга қизил карточка кўрсатилиши мумкин.

108. Ироқлик футболчи айюҳаннос солиб, ҳакамнинг эътиборини ўзига қаратди. Эмишки, унга нисбатан қоида бузилган. Реферининг ҳам унинг сазасини ўлдиргиси келмади...

107. Руслан ҳамон тўпни ўзида кўпроқ ушлаб юбормоқда.

106. Иккинчи қўшимча бўлим бошланди! Олға, йигитлар!

105+1. Экстра таймларнинг дастлабкиси ниҳоясига етди. Ҳисоб ҳамон 2:2!

105. Биринчи экстра таймга 1 дақиқа қўшилди.

105. Аббоснинг узатмасига шерикларидан ҳеч ким ета олмади.

105. Жарима майдонидан бироз узоқ бўлган ҳудудда стандартга эгамиз. Тўп ёнида Файзуллаев.

104. Бурчакдан жарима майдонига оширилган тўпни ироқликлар посбони ушлаб олди.

103. Жиянов рейдлари билан ажралиб турибди, аммо вақти келганда пас беришни эсдан чиқармаслик лозим.

102. Руслан Жияновдан хавфли зарба, бироқ тўп устун ёнгинасидан ўтиб кетди.

100. Файзуллаев эрта прессинг уюштириб, ҳимоячини хато қилишга мажбур қилди. Аммо дарвозабон тўпни эга чиқди.

99. Чап қанотдан олдинга ўтган Жиянов қоида бузиш эвазига тўхтатилди, аммо майдонда ироқлик футболчи ётибди.

98. Ўйин мутлақо тенг курашлар остида давом этяпти. Бир Ўзбекистон, бир Ироқ хавфли ҳужум уюштирмоқда.

97. Норчаев керагидан кўп хатога йўл қўймоқда. Бу сафар у пас ижросида адашди.

96. Пас беришни пайсалга солган Руслан тўпни йўқотди. Яхши ҳужум муваффақиятсиз якунланди.

95. Алибек Давроновга сариқ карточка кўрсатилди.

94. Бўриевнинг жарима майдони ташқарисидан берган зарбаси ноаниқ кетди.

93. Жиянов тўп ўрнига рақиб оёғини тепиб юборди. Ҳайрият, футболчилар жиддий жароҳат олмади.

92. Вакилларимиз ҳамон катта куч билан олдинга ўтмоқда.

91. Биринчи экстра таймга старт берилди!

90+4. Ўйиннинг асосий вақти якунланди! Энди экстра таймлар гувоҳига айланамиз!

90+3. Жуда хавфли вазият! Ҳамралиевнинг бош билан йўллаган зарбаси устун ёнгинасидан ўтиб майдонни тарк этди.

90+3. Бурчак зарбаси, мухлислар гол сўрамоқда!

90+1. Эркиновнинг зарбасини ҳимоячи юзи билан қайтарди.

90+1. Ҳожимат бугун тинмаяпти. Унинг қаноти жуда фаол. Баракалла!

90. Ўйиннинг асосий вақтига 4 дақиқа қўшилди.

90. Рақиб футболчиси Жияновга нисбатан анча қўпол ҳаракат қилди, унинг устига, унга ўрнидан туриши кераклигини айтиб бақирди.

89. Рамазон Жумадан яна бир ўта хавфли зарба. Бу сафар тўп тўрга ташқи томондан келиб тегди.

87. аҳмад Ҳасан ўз ўрнини Майтам Вадга бўшатиб берди.

86. Саидазаматнинг узатмасидан сўнг Норчаев тўпга ета олмади.

84. Баҳс тенг курашлар остида давом этмоқда. Кимнинг иродаси кучли бўлса, ўша ғалабани илиб кетади!

82. Ироқ дарвозабонига шифокорлар тиббий ёрдам кўрсатди.

81. Футболчилар асабларини жиловлаб олиши лозим. Улар жанжаллашиб кетди.

80. Мирсаидовнинг жарима майдонига оширган тўпини рақиб футболчилари эгаллаб олди.

79. Рақиб эрта прессинг уюштиришни бошлади. Бу биз учун марказда бўш позициялар дегани.

78. Жасурбек Жалолиддинов ўз ўрнини Аббосбек Файзуллаевга бўшатиб берди.

77. Рамазон бу сафар анча хавфли зарба берди, Назаровдан сейв!

76. Ироқлик футболчи майдонда ётибди.

75. Ҳожимат Эркиновга тиббий ёрдам керак.

73. Рақиб хавфли ҳужум уюштирди. Аввалига зарба йўлига ҳимоячи ғов бўлди, сўнгра Рамазон Жуманинг кучли зарбаси тўсин юқорисидан ўтиб кетди.

72. Захирадан майдонга тушган футболчилар ўйин темпини анча оширди.

71. Тўп назорати Кападзе шогирдлари томонда бўлиб турибди.

70. Вакилларимиз фаолликни оширди. Бизга гол керак!

69. ГОЛ! Ироқликлар ҳисобни тенглаштирди.

Ўткир бурчакдан берилган зарба аралаш узатмани Назаров қайтара олмади.

67. Жасурбекка тиббий ёрдам кўрсатилди. Ироқликлар анча қўпол ўйин намойиш этяпти.

65. Жарима майдонига оширилган тўпга Аммар Ғолиб бироз ноаниқ зарба берди.

63. Улуғбек Ҳошимов ҳамда Элдорбек Бегимов ўрнига Русланбек Жиянов ва Саидазамат Мирсаидов ўйинга қўшилди.

62. Назаров бугун ишончли ҳаракат қиляпти. Жарима майдонига ҳаводан оширилган тўпларнинг деярли барчасини у эгаллаб олмоқда.

61. Ҳусаин ва Улуғбек бир-бирини тушунмай ҳаракат қилди, натижада, тўпни йўқотдик.

60. Ҳошимов йиқилиб тушди, ҳакам ўйинни давом эттиришга кўрсатма берди.

59. Футболчимизга тиббий ёрдам кўрсатилмоқда.

58. Бегимовдан қаҳрамонона ҳаракат! Элдорбек сўнгги кучини тўплаб тўпни жарима майдонидан узоқлаштирди ва майдонга йиқилди.

57. Рақиб босимни тобора оширмоқда. Ҳимоячиларимиз яхши ҳаракат қиляпти.

56. Эркинов техник ҳаракатлари билан мухлислар олқишига сабаб бўлди. Яшавор, Ҳожимат!

55. Аҳмад Ҳасаннинг зарбасидан сўнг Назаров тўпни муштлари билан уриб юборди.

54. Бурчакдан оширилган тўпни ҳимоячиларимиз узоқлаштирди.

53. Прессинг эвазига тўпни олиб қўйган Норчаевни рақиб футболчиси қоида бузиш орқали тўхтатди.

52. Ироқликлар мураббийи дарҳол ўзгаришга қўл урди. Абдуламир ўз ўрнини Абдулкарим Саййидга бўшатиб берди.

50. ГОООООООООЛЛЛЛЛЛЛЛ!

Норчаев - Эркинов комбинациясидан сўнг Ҳусаин тўпни жарима майдонига оширди. Ҳимоячи тўпни ўз дарвозасига киритиб юборди.

49. Мунтадернинг зарбасидан сўнг тўп устун ёнидан ўтиб кетди.

48. Жарима майдонига оширилган тўпни Назаров баланд сакраб ушлаб олди.

47. Бўриев майдонда ётибди. Унга тиббий ёрдам керакка ўхшайди.

46. Иккинчи таймга старт берилди!

46. Бўлимлар оралиғида ироқликларда ўзгариш: Александр Гориа ўз ўрнини Мунтадер Муҳаммадга бўшатиб берди.

46. Футболчилар майдонга қайтди. Навбат бизники!

45+12. Биринчи тайм ниҳоясига етди!

45+11. Бўлим сўнги Кападзе шогирдларининг тўлиқ устунлиги остида кечмоқда.

45+10. Тўпни ўзида кўпроқ ушлаб қолган Эркинов уни йўқотди.

45+9. Тўп марказда рақиб футболчисининг қўлига тегди. Ҳакам ўйинни тўхтатди.

45+8. Жалолиддиновдан узатма. Тўпга Норчаевдан олдин дарвозабон етиб келди.

45+7. Жасурнинг олис масофадан берган зарбасига аниқлик етишмади.

45+6. Ироқлик футболчилар вакилларимизни анча қўпол қарши олмоқда. Ҳакам ўйин тизгинини қўлдан чиқариб юборяпти.

45+6. Хавфли вазият! Рамазон Жуманинг яқин масофадан берган зарбаси ноаниқ кетди.

45+5. Аренага йиғилган 30 мингдан зиёд мухлис футболчиларимизни олқишлаяпти.

45+5. ГООООООООООООООЛЛЛЛЛЛЛЛ! Жасур Жалолиддинов!

Нуқтага яқинлашган Жасур марказга зарба бериб, дарвозани ишғол этди.

45+3. ВАРни тинглаган рефери ўз қарорига ишонч ҳосил қилди.

45+1. Жарима майдонига ёриб кираётган Эркинов қоида бузиш эвазига тўхтатилди. Бу пенальти!

45. ПЕНАЛЬТИ!

45. Биринчи таймга 12 дақиқа қўшиб берилди.

44. Ҳожимат Эркинов яқин масофадан зарба бера олмади. Қулай имконият қўлдан кетди.

44. Норчаевдан жуда хавфли зарба. Ҳасан Аҳмад тўпни қайтарди.

43. Олис масофадан йўлланган зарбани Владимир Назаров ушлаб олди.

41. Ироқлик футболчи майдонда ётибди. Унга тиббий ёрдам керак.

40. Жарима майдонига оширилган навбатдаги пас ҳужумчиларимизга қадар етиб бормади.

39. Майдон марказида вакилларимиз тўпни эгаллаб турибди.

37. Жалолиддиновнинг узатмасидан сўнг Давронов тўпга ета олмади.

36. Рақиб дарвозабони вақтни чўзмоқда. Мухлислар уни ҳам "насибасиз қолдирмади!"

35. Ҳаммаси жойида! Ҳусаин ўйинни давом эттира олади.

34. Ҳусаин Норчаев майдонда ётибди. Унга тиббий ёрдам керак.

33. "Пахтакор" стадионига йиғилган мухлислар вакилларимизни тинимсиз олқишлаб турибди.

32. Улуғбек Ҳошимовнинг кучли зарбасидан кейин тўп тўсин юқорисидан ўтиб кетди.

31. Бўриев марказда рақибини усталик билан тўхтатди.

30. Баҳс темпи бироз пасайди. Тўп асосан майдон марказида.

29. Ўйин назорати тилиқлигича вакилларимиз томонда бўлиб турибди.

28. Ўнг қанотдан жарима майдонига берилган яна бир пас ноаниқ кетди.

27. Дарвоза томон ўткир бурчакдан берилган зарбага аниқлик етишмади.

25. Қўполлик кетидан қўполлик. Бу сафар Жасурга нисбатан қоида бузилди. Унга тиббий ёрдам керак.

24. Жарима майдонига ёриб кираётган Ҳусаин қўполлик эвазига тўхтатилди. Яна бир стандарт вазият.

24. ДАҲШАТ! Жалолиддиновнинг зарбасидан сўнг тўп устунни титратди! Шундай давом этиш керак, йигитлар!

23. Жасур ҳақиқий сардор! У шерикларини бошқармоқда! Тўп ёнида унинг ўзи!

22. Футболчиларимиз босимни давом эттирмоқда. Жалолиддинов жарима зарбаси ишлади. Қулай нуқта.

21. Вакилларимиздан хавфли ҳужум. Бегимовнинг жарима майдонига оширган тўпини ҳимоячилар узоқлаштирди.

20. Ўзбек мухлислари бундай ҳолатларни ҳам тўғри қабул қила олиши лозим. Биз кейинги халқаро турнирларни ҳам қабул қилишимиз учун ҳам ҳозир тартиб сақланиши керак.

19. Голни нишонлаётган ироқлик футболчилар тош бўронига учради. Ҳакам ва баҳс комиссари ўйинни тўхтатиш борасида фикр алмашмоқда.

18. ГОЛ! Ҳисоб очилди. Гол муаллифи Вакаа Рамазон Жума.

18. Владимир Назаров қаҳрамонга айланиши шарт! 

18. Мухлислар бироз тинчланди. Ўйинни давом эттириш мумкин.

18. Футболчилар томошабинлардан тинчланишни сўрамоқда.

17. Трибуналардан майдонга турли хил буюмлар учиб кела бошлади. Мухлисларнинг норозилиги жуда ортиб кетди.

16. Кападзе мажбурий ўзгаришга қўл урди. Владимир Назаров Диёр Холматов ўрнига майдонга тушди.

15. Дарвозабонимиз майдонда эмас, шу сабаб ўйин тўхтаб турибди.

13. Футболчилар, мураббийлар, мухлислар барчаси ҳакамни "олқишламоқда!" Унинг шаънига айтилмаган сўз қолмади.

12. Ийе? Ҳакам Абдувоҳидга қизил карточка кўрсатиб, дарвозамиз томон пенальти белгилади.

11. Рефери анча пайтдан бери видеотакрорларни кузатяпти. Стадионга йиғилган томошабинлар увилламоқда.

10. Тиббиёт ходимлари майдонга тушиб келди. Ҳакам ВАРни кўрмоқда, қизил карточка кўрсатилиниши мумкин.

9. Бу нимаси?! Тўпни эгаллаб, уни шеригига ошираётган дарвозабонимизга рақиб футболчиси ҳалал бериб, уни жароҳатлади.

9. Стандартдан жарима майдонига оширилган тўпни Неъматов ушлаб олди.

7. Абдурауф Бўриев рақибига нисбатан қўполроқ ўйнади. Ҳакам оғзаки огоҳлантириш билан чекланди.

6. Майдон марказидаги курашлар анча кескин кечяпти. Футболчиларга осон бўлмаслиги аниқ.

5. Жарима майдонига оширилган тўпга Эркинов ета олмади.

4. Мунтадернинг кучли зарбасидан сўнг тўп устун ёнидан ўтиб кетди.

3. Илк ҳужум вакилларимизда. Аммо уни муваффақиятли якунлай олмадик.

2. Марказда Жасур Жалолиддиновга нисбатан қоида бузилди. Шифокорлар унга тиббий ёрдам кўрсатди.

2. Кутилганидек, баҳс илк сонияларданоқ кескин курашларга бой тарзда ўтмоқда.

1. Ўйин бошланди!

0. Футболчиларимиз оғир жароҳат олган Иброҳим Ибрагимовни қўллаб-қувватлаш учун унинг либосини олиб чиқишди.

0. Бош ҳакам ва сардорлар беллашувни ким бошлашига ойдинлик киритди. Старт учун барчаси тайёр!

0. Биринчи Ироқ, сўнгра Ўзбекистон давлат мадҳияси янгради.

0. Футболчилар майдонга тушиб келди. Баҳс бир неча дақиқа ичида старт олади.