Бироз аввал Ўзбекистон делегацияси Токио-2020 очилиш маросимига бир кун қолганида ўз байроқдорларини алмаштиргани ҳақида хабар берган эдик. Гимнастикачи Оксана Чусовитина "Sputnik"га берган интервьюсида бу ўзгариш ҳақида фикр билдирди.
"Биласизми, улар нима учун ўзгартиришганини менга тушунтиршмади. Шунчаки, мен бормаслигимни айтишди, холос. Мотивацияни ўлдиришди. Бундай қилиб бўлмайди. Тушунтириб беришса бўлгани эди, биз ҳаммамиз инсонмиз ва ҳамма нарсани тушунамиз", - деди спортчи.
Маълумот учун, аввалроқ МОҚ Токиодаги Олимпия ўйинларида Ўзбекистоннинг байроқдорлари спорт гимнастикачи Оксана Чусовитина ва боксчи Бобоусмон Ботуров бўлиши ҳақида маълум қилганди.
Изоҳлар (0)
Ҳозирча изоҳлар йўқ