ОКМК таркибига "Навбаҳор"да ўйнаган футболчи қўшилди!

ОКМК Суперлиганинг янги мавсумига жиддий тайёргарлик кўрмоқда. Клуб матбуот хизмати Риан Исломов билан шартнома имзоланганини эълон қилди.

"ОКМК ФК таркибни савияли легионерлар билан кучайтириш баробарида, маҳаллийлаштириш ва жамоани истеъдодли ёшлар билан тўлдиришда ҳам давом этади. ОКМК ФК ва Риан Исломов ўртасида узоқ муддатли режалар кўзланган ҳолда, “2+1” схемаси бўйича шартнома имзоланди.

2004 йилда туғилган футболчи фаолияти давомида "Металлург", "Олимпик" ва "Навбаҳор" клублари сафида жами 32 та расмий ўйинда майдонга тушиб, ўз ҳисобига 5 та гол ҳамда 2 та ассист ёздириб қўйган.

Ўз навбатида шуни ҳам алоҳида таъкидлаш жоизки, иқтидорли ярим ҳимоячи Ўзбекистон ёшлар терма жамоаси сафида халқаро майдонларда ҳам самарали ҳаракат қилган. Риан AFC U-20 Осиё Кубоги саралаш баҳсларида 4 та расмий учрашувда иштирок этиб, 2 та гол ва 1 та голли узатмани ўз ҳисобига расмийлаштиришга эришган.

Бир сўз билан айтганда, Риан Исломовнинг таркибга жалб этилиши клубимизнинг узоқ муддатли ривожланиш стратегиясига тўла мос келади. Бу орқали биз нафақат ўрта чизиқдаги креативликни оширамиз, балки ОКМК ФКнинг келажакдаги ғалабалари учун мустаҳкам иқтидорлар захирасини шакллантиришда давом этамиз.

ОКМК ФК аҳил оиласига хуш келибсан, Риан!" — дейилади хабарда