ОФК футзал бўйича Осиё чемпионати-2024 мезбони номини маълум қилди

Осиё Футболи Конфедерацияси футзал бўйича 2024 йили ўтказиладиган Осиё чемпионати мезбони номини маълум қилди. Бу ҳақда ташкилотнинг расмий ижтимоий тармоқларидаги саҳифаларида хабар берилди.

Таиланд 2024 йилги Осиё кубогини ўзида қабул қилади. Ўн еттинчи бор ўтказиладиган турнир кейинги йили 12-28 апрель кунларига белгиланган.

Эслатиб ўтамиз, Осиё Кубоги ярим финалчилари 2024 йили Ўзбекистонда ўтказиладиган жаҳон чемпионатига йўлланмани қўлга киритади.