Одил Аҳмедов Остон Ўрунов ҳақида муҳим гап айтди

Ўзбекистон миллий терма жамоаси сардори Одил Аҳмедов истеъдодли ёш футболчи Остон Ўруновнинг Россия кубоги мусобақасида “Родина” жамоаси дарвозасига киритган голи муҳим аҳамият касб этишини таъкидлади.

- Ўрунов “Спартак”да дебют голини урганидан жуда мамнунман. Гол ҳақиқатан чиройлик чиқди. Бу гол Остоннинг ўзига бўлган ишончини янада кучайтиради. Худди шу руҳда давом этиш керак. Унга омад ва ютуқлар тилаб қоламан, - дейди Одил Аҳмедов.

Остон Ўрунов терма жамоамиз етакчиси билан дўстона муносабатда. Аҳмедов ёш футболчининг ўйинига бефарқ эмас. Остон журналистларга берган интервьюсида Одил унга қимматли маслаҳатлари билан ёрдам беришини алоҳида таъкидлаган. Хусусан, 19 ёшли футболчимиз терма жамоа садорининг “Битта рақибни алдаб ўтдингми, тўпни ушлаб қолмай, дарров жамоадошингга ошир”, - деган маслаҳати ҳар доим фойда келтираётганини мамнуният билан тан олган эди.