"Нефтчи" клуби огоҳлантириш билан чиқди

29 июль куни Ўзбекистон Суперлигаси 14-тур доирасида "Нефтчи" Бекободнинг "Металлург" клубини қабул қилади. Мазкур учрашувга чипталар бугундан сотувга чиқарилди. Чипталар фақат стадионнинг махсус кассаларида 20000 ва 30000 сўмдан белгиланган нархларда сотилади.

“Истиқлол” стадиони маъмурияти огоҳлантириш билан чиқди. 

- Футбол учрашуви чипталарини “Истиқлол” стадионининг махсус кассалардан сотиб олинг. Агар стадион кассаларидан ташқари сотиб олинган чиптангиз қалбаки бўлиб чиқса, стадион маъмурияти бу учун жавобгарликни ўз зиммасига олмайди ва қалбаки чипта билан стадионга киришга уринган шахсларга нисбатан қонун доирасида чора кўрилади.

ЭСЛАТМА: Чиптада махсус стикер мавжуд. Ушбу стикерни ўчириб юборманг! Чиптадаги стикер ўчириб юборилса, ушбу чипта яроқсиз, деб ҳисобланади, - дейилади хабарда.