"Навбаҳор"га қарши муҳим ўйин олдидан "Насаф" мухлислари учун хушхабар

Бугун Ўзбекистон Суперлигаси 16-туридан ўрин олган "Насаф" ҳамда "Навбаҳор" жамоалари ўртасидаги беллашув бўлиб ўтади.

Мазкур баҳс олдидан "аждарлар" тақдим этган қайдномада ҳимоячи Шерзод Насруллаев сафга қайтганини кўриш мумкин. Истеъдодли футболчи дисквалификация туфайли жамоасининг ички фронтдаги сўнгги 5 учрашувида майдонга туша олмаганди. 8 ҳафта ичида унинг жамоаси Суперлига доирасида 4 ва кубокда 1 ўйин ўтказди.

Маълумот учун, "аждарлар"нинг "лочинлар"га қарши беллашуви Тошкент вақти билан 19:00 да старт олади. Қуйида мазкур баҳс учун жамоаларнинг қайдномалари билан танишинг: