"Наполи" Хамесни сотиб олиш фикридан қайтди
- 23-июл 2019, 20:27
- Baxtiyorjon Toshtemirov
- 0
- Футбол
"Наполи" клуби ортиқ "Реал" ярим ҳимоячиси Хамес Родригес учун курашмайди. Бу ҳақда Corriere dello Sport нашри хабар тарқатмоқда.
Юқоридаги манбаага кўра А Серия гранди 27 ёшли колумбиялик футболчи учун “қироллик клуби” талаб қилаётган 40 миллион еврони тўлай олмайди. Шу сабабли энди унинг “Атлетико”га ўтиши тобора ойдинлашмоқда.
Эслатиб ўтамиз, Хамес сўнгги икки мавсумни “Бавария” сафида ижарада ўтказган эди. Бироқ, мюнхенликлар футболчининг илтимосига кўра уни сотиб олишмади.
Энди “Наполи” бу борадаги эътиборини ПСВ ҳужумчиси Ирвинг Лосанога қаратади. 23 ёшли мексикалик футболчи эйндховенлилар сафида 2017 йилдан буён тўп суриб келмоқда. У ўтган давр мобайнида 74та ўйинда майдонга тушди ва 40та гол ҳамда 23та голли узатмага муаллифлик қилишга эришди. Унинг клуб билан амалдаги шартномаси 2023 йилга қадар имзоланган.