Мундиалга ғолиб бўлиш учун терма жамоаларнинг имкониятлари баҳоланди. Ўзбекистоннинг имконияти қанча?

Машхур аналитик нашр "Opta" 2026 йилги жаҳон чемпионатида иштирок этувчи терма жамоаларнинг мундиалда ғолиб бўлиш имкониятларини баҳолади. Таҳминларга кўра, жаҳон чемпиони бўлишга энг яхши имконият 17.0 % билан Испанияда. "Қизил фуриялар"дан сўнг Франция (14.1 %) ва Англия (11.8 %) терма жамоаларининг имкониятлари юқори баҳоланмоқда.

Кучли ўнталикдан Аргентина (8.7 %), Германия (7.1 %), Португалия (6.8 %), Бразилия (5.6 %), Нидерландия (5.2 %), Норвегия (2.3 %) ва Колумбия (2.0 %) ўрин олишган.

Осиё терма жамоалари орасида энг баланд баҳоланган имконият Японияга тегишли — 0.9 %. 

Ўз тарихидан илк бор жаҳон чемпионати йўлланмасини қўлга киритган Ўзбекистоннинг чемпион бўлиш имконияти 0.2 фоиз дея баҳоланди. Мундиалга йўлланма учун терма жамоамиз билан курашган Эрон ва Қатарнинг имкониятлари 0.2 % ва 0.1 фоиз деб таҳмин қилинди.