Муҳаммад Салоҳ Саудияга бормайди

“Ливерпуль”нинг собиқ ҳимоячиси ва ҳозирда телевидениеда эксперт бўлиб ишлаётган Жейми Каррагер ҳужумчи Муҳаммад Салоҳнинг келажаги ҳақида фикр билдирди.

Бу мутахассис мисрлик футболчи Европадан кетмаслигини таъкидламоқда.

- Мен Муҳаммад Салоҳнинг Саудия Арабистонига боришни исташига ишонмайман. Салоҳ А Сериянинг топ-клубларидан бирига ўтиши мумкин.

Менимча, Муҳаммад ҳали ҳам кучли иштиёққа эга ва Чемпионлар лигасини ютмоқчи.
Агар у Яқин Шарққа кетса, буни карьерани якунлаш, деб баҳолаш мумкин, - деди Жейми Каррагер The Independent нашрига берган интервьюсида.

2017 йилдан бери мерсисайдликлар жамоасида ўйнаб келаётган Муҳаммад Салоҳ клуб билан яна бир йиллик шартномаси борлигига қарамай, жорий мавсум охирида жамоадан кетишини эълон қилди.