Моуриньо ўйиндан кейин антиқа фикр айтди
- 24-январ 2022, 11:01
- Zohir Toshxo’jayev
- 0
- Футбол
А Сериянинг 23-турида “Рома” сафар учрашувида “Эмполи” устидан 4:2 ҳисобида зафар қучиб, мусобақа жадвалида 38 очко билан олтинчи ўринга кўтарилиб олди.
Тэмми Абрахамнинг дубли, Николо Дзаньоло ва Сержиу Оливейранинг биттадан голи эвазига биринчи бўлимни 4:0 ҳисобида ўз фойдасига ҳал қилган римликлар ўйиннинг иккинчи ярмида иккита тўп ўтказиб юборди.
“Ювентус” билан бўлган учрашувда ҳам ҳисобда икки тўп фарқи билан олдинда бориб, охир-оқибат ўйинни бой берган “Рома” устози Жозе Моуриньо анча хавотирга тушган бўлса-да, беллашувдан кейин бу вазиятни ажойиб тарзда изоҳлади.
- Биз “Лацио” ва “Аталанта” дуранг ўйнаганини, “Фиоретина” очко йўқотганини билардик ва шунинг учун ҳам ғалаба қозонишимиз шарт этди.
Сиз иккинчи бўлимни бежизга томоша қилмадингиз. Агар биз бешинчи голни урганимизда сиз телевизорни ўчириб қўйган бўлардингиз. Шундай экан, биз ўйинга бўлган қизиқишни юқори даражада ушлаб турдик.
Ўз жамоамни қутлайман. Шунингдек, “Эмполи”ни ҳам табриклайман. Чунки бу жамоа футболчилари тўртта тўп фарқи билан ортда қолаётганини қарамвй, иккинчи бўлимда ўзига келди ва охиригача муваффақиятга ишонди, - деди Жозе Моуриньо.