"Монако" яна "Лестер" футболчисини ижарага олди

Англиянинг "Лестер" клуби ярим ҳимоячиси Адриен Силва янги мавсумни Франция чемпионатида давом эттирадиган бўлди.

Аниқроғи, "Монако" 30 ёшли португалиялик футболчини 2019/20 йилги мавсум охиригача ижарага олди.

Таъкидлаш керакки, Силва учун “Монако” бегона эмас. Боиси, у ўтган мавсумнинг иккинчи ярмини ҳам айнан мана шу жамоада ижарада ўтказган эди.