Миразизбек Мирзаҳалилов олтин медални қўлга киритди

"World Boxing" ташкилоти кубоги баҳсларида бугун ҳал қилувчи жанглар бўлиб ўтади. Ушбу босқичга 7 нафар боксчимиз етиб келганди.

Ҳозиргина -55 кг Миразизбек Мирзаҳалилов ва Мўғилистон вакили Билгуунсаихан Харху иштирокидаги финал ўз ниҳоясига етди. Тўлиқ 3 раунд давом этган баҳсда ҳамюртимиз яққол устунликка эришиб, олтин медални қўлга киритди.

Эслатиб ўтамиз, олдинда бизни Асадхўжа Мўйдинхўжаев ва болгариялик Викторио Илиев тўқнашуви кутмоқда.