Месси ёки Роналду?

"Челси" бош мураббийи Фрэнк Лэмпард "Барселона" форварди Лионель Мессини "Ювентус" ҳужумчиси Криштиану Роналдудан юқори қўйишини айтди.

“Месси ёки Роналду? Даҳшатли савол! Иқтидор жиҳатидан Мессини танлайман. Лекин Роналдунинг натижалари ҳайратланарли”, - деди инглиз мураббийи.

33 ёшли Месси жорий мавсум 7 та ўйинда майдонга тушди ва ўз ҳисобига 3 та гол ҳамда 4 та голли узатма ёздириб қўйди. 35 ёшли Роналду 2 та ўйинда иштирок этди ва 3 та гол урди. У ҳозир коронавирусдан даволанмоқда.