Мбаппе: Энди “Реал”да ўзим хоҳлаганимдек ўйнайман!

“Реал” ҳужумчиси Килиан Мбаппе ёзда Мадрид клубига кўчиб ўтганидан кейин бир неча ойда янги жамоасига тўлиқ мослашиб олганини таъкидлади.

- Мен жуда бахтиёрман, чунки жамоага тўлиқ мослашиб олдим. Ҳозир ўзим истагандек ўйнай оламан, - деди франциялик тўпурар.

25 ёшли футболчи аввалги жамоаси ПСЖда ҳам эркин тўп тепиш ваколатига эга эди. Айрим мутахассислар Мбаппени ҳимояга ёрдам бермаётгани учун кўп танқид қилиб келади.

Мбаппе “Қироллик клуби”га кўчиб ўтганидан кейин барча турнирларда 29 марта майдонга тушиб, 17 та гол ва учта голли узатма муллифи бўлди.

Transfermarkt портали томонидан 160 миллион еврога баҳоланаётган юлдузнинг мадридликлар билан амалдаги шартномаси 2029 йилнинг ярмигача тузилган.