Матич: Ўғлим Роналдуни танлайди, мен эса...

"Манчестер Юнайтед" клуби ярим ҳимоячиси Неманья Матич "Ювентус" ҳужумчиси Криштиану Роналду ва "Барселона" ҳужумчиси Лионель Месси ҳақида ўз фикрларини билдириб ўтди.

“Агар менинг ўғлимдан сўралса, у Роналдуни танлаган бўларди. У Мессидан фарқ қилади.

Мессида ҳам иқтидор бор, аммо у шуғулланмайди, деб ўйламайман. Албатта, у ҳам меҳнат қилади. Шунчаки улар турлича. Шунинг учун улар ўртасида танлов қилиш мен учун қийин. Улар сўнгги 15 йилликнинг энг яхши ўйинчиларидир. Улар бу даражани шунча йилдан бери ушлаб туришганига ақлим етмайди. Улар тарихдаги энг яхши икки футболчи бўлиши мумкин”, - дейди Матич.