Манега Саудиянинг "Ал-Иттифоқ" клубидан таклиф келиб тушди

"Бавария" футболчиси Садио Мане фаолиятини Саудия Арабистонида давом эттириши мумкин. Унга "Ал-Иттифоқ" клуби жиддий қизиқиш билдираётгани ҳақида хабарлар тарқалмоқда. 

Мюнхен клуби Садио билан хайрлашишга қарши эмас. Бироқ футболчининг ўзи ҳали Европадан кетишни режалаштирмаяпти. 

Маълум бўлишича, Манега ПСЖ, "Реал" Мадрид ва Англиянинг бир қатор клублари таклиф юборган. Футболчи ва "Бавария" ўзаро келишиб, тезда якуний қарор чиқариши кутилмоқда.