Манчестерликлар “Реал”га рад жавобини берган юлдузга кўз тикяпти
- 4-апрел, 07:45
- Zohir Toshxo’jayev
- 0
- Футбол
Англия Премьер-лигасидаги мавқеини тиклаб бораётган “Манчестер Юнайтед” Бундеслиганинг энг қудратли клуби “Бавария”нинг чап қанот ҳимоячиси Альфонсо Дэвисга қизиқиш билдирмоқда.
Bayern Insider маълумотига кўра, манчестерликлар 25 ёшли канадаликни ҳимоянинг чап қанотини кучайтириш ва Люк Шоу ҳамда Патрик Доргуга рақобат яратиш учун олиб келмоқчи.
Шу билан бирга, ҳимоячи Тайрелл Маласия клубни тарк этиши мумкинлиги кутилмоқда.
Қайд этилишича, Дэвис аввалроқ Мадриднинг “Реал” клубига ўтишдан бош тортиб, “Бавария” билан шартномасини 2030 йилнинг ярмигача узайтирган эди.
Бироқ ҳозирда мюнхенликлар унинг соғлиқ билан боғлиқ муаммолари фонида футболчи бўйича таклифларни кўриб чиқишга тайёр.
Ҳозирги вақтда ҳимоячи сонидан олган жароҳатини даволатяпти. Дэвис бу жароҳатга йўллиққанидан икки ой аввал майдонга қайтган эди.