“Манчестер Сити” катта трансферга қўл урмоқда
- 6-январ 2024, 10:40
- Zohir Toshxo’jayev
- 0
- Футбол
“Манчестер Сити” раҳбарияти Хосеп Гвардиола бошқараётган жамоани янада кучайтиришга қодир янги футболчини трансфер қилмоқчи.
“Шаҳарликлар”нинг трансфер нишонига “Байер” вакили Флориан Виртц тушди.
Виртц ёш бўлишига қарамай, бир неча мавсумдан бери леверкузенликлар таркибида самарали ўйин намойиш этмоқда ва жамоа етакчиси ҳисобланади.
20 ёшли футболчи дорий мавсумда Бундеслига, Германия кубоги ва Европа Лигасида жами 23 та учрашувда майдонга тушиб, рақиблар дарвозасини 8 маротаба ишғол қилди ва жамоадошларига 12 та голли пас оширди.
Бир неча позицияда ўйнай оладиган Виртцнинг трансфер суммаси уч йилдан бери мунтазам кўтарилиб келмоқда. 2020 йили профессионал фаолиятини бошлаганида 10 миллион еврога баҳоланган универсал ўйинчининг айни пайтдаги трансфер суммаси 100 миллион еврони ташкил қилмоқда.