Луис Диас "Бавария"да қанча маош олиши маълум. Энди мюнхенликлар "Ливерпуль"ни кўндириши керак

Мюнхеннинг "Бавария" клуби Луис Диас трансфери борасида таклифни яхшилади. 

Немис гранди "Ливерпуль"га 28 ёшли вингернинг трансфери учун 67,5 миллион евродан кўра яхшироқ таклиф юборган. 

Жамоалар ўртасида музокаралар давом этмоқда. Мерсисайдликлар аввалроқ футболчини 67,5 миллион еврога сотишдан бош тортганди.

Шу билан бирга, Луис Диас аллақачон мюнхенликлар билан келишувга эришган бўлиб, унга кўра футболчининг маоши солиқлардан ташқари 14 миллион еврони ташкил қилади. Бундан ташқари, у самарадорлик учун қўшимча бонуслар олади. 

Ўтган мавсумда, Диас АПЛ доирасида 36 та баҳсда майдонга тушиб, 13 та гол урган ва 5 та голли узатма амалга оширган.